第二日想分享我平時一個幫自己更加有精神做嘢嘅方法。由今年嘅四月開始，我開始咗一個令我做嘢效率倍增嘅方法，我地咪好多時都訓夠又攰訓唔夠又攰嘅，呢個方法令大家每日起身之後都可以好精神，有力D做野，就係：每日運動3個字！
簡單D嚟講就係每日起身嘗試做10-15分鐘運動，令自己稍微出少少汗，之後你成日都會好有精神，成個人會好似reboot咗咁。原理好簡單，喺一本叫《How to Activate your Brain》書提過：體能上的運動，會釋放 “Brain-derived neurotrophic factor” 腦源性神經營養因子令到腦部生長。所以每當你做完適量運動嘅時候，你成個人都會精神哂，唔會再覺得攰。
我由4月keep到而家，每日都有咁嘅效果。
*詳情可以睇下我fb page嘅3篇文章。
另外，做運動嘅姿勢好緊要。因為我超中意張繼聰，有好多正面嘅思想同態度都係被佢啟發，所以早排佢嘅健身教練 Ryan Lee 出書嘅時候，我有去佢嘅分享會。佢講過我地做運動嘅時候如果姿勢唔正確，即使你每日做左100下sit up可能都未必練到腹。做每個訓練要做中想練嘅目標肌肉，當做中嘅時候，只要次數適量就足以練到肌肉嘅線條。
藉住呢個30日影片系列，我會跟佢書入面嘅練習鍛鍊身體，睇下30日後，會唔會有明顯嘅進步！
Search